Njohësi i çështjeve politike, Burim Ramadani, ka reaguar pas dorëheqjes së Liburn Aliut nga pozita e ministrit të Mjedisit.

Ramadani ka shkruar në “Facebook” se zërat e pakënaqur brenda LV-së do të rriten vazhdimisht, ndërkaq sipas tij, nuk do të ketë as Qeveri Kurti 3.

“Zërat e pakënaqur brenda LV-së do të rriten vazhdimisht në publik, janë të shumtë! Ndërrimi i kandidatit ishte zgjidhja që u dëshmua e patjetërsueshme. Sidoqoftë, bllokada disa-mujore u tejkalua në pjesën kryesore nga ndërrimi i kandidatit. Me zgjedhjen e kryeparlamentarit të ri, Dimal Basha, Kosova tash është afër tejkalimit të plotë të ngërçit institucional e politik. Hapi i fundit rreth tejkalimit të plotë të bllokadës duhet të ndodh nesër, jo më larg. Qeveria Kurti 3 nuk do të bëhet. Të gjitha këto ngjarje të këtyre muajve janë dëshmitë finale pse nuk ka dhe nuk duhet të ketë Qeveri Kurti 3”, ka thënë Ramadani.