Raportohet për viktima në Norvegji pas sulmit me hark dhe shigjetë

13 tetor 22:20

Disa persona janë vrarë dhe të tjerë janë plagour në Norvegji, pasi një person ka përdorur hark dhe shigetë për t’i sulmuar ata.

Policia ka njoftuar se incidenti ka ndodhur në qytezën Kongsberg në jugperëndim të kryeqytetit Oslo, në orët e pasdites të së mërkurës.

Shefi Oeyvind Aas, ka thënë se i dyshuari është zënë dhe duket se ka vepruar vetëm.

I dyshuari është raportuar se ka lëvizur brenda qytezës dhe autoritetet kanë bllokuar disa zona.

Mediat kanë raportuar se sulmuesi ka shtënë me armë zjarri kur ishte brenda një dyqani në pjesën perëndimore të Kongsbergut.

Banorëve u është thënë që të qëndrojnë brenda.

Policia ka thënë se i dyshuari tani është dërguar në stacionin policor në qytezën Dramen.

Sipas Policisë, numri i viktimave nuk dihet, ashtu sikurse motivi i sulmit.

Të plagosurit janë dërguar për trajtim në spitalet e afërta.

Shuma makina të emergjencës janë parë në vendin e ngjarjes, përfshirë ambulanca, makina të policisë dhe helikopterë.

Ministria e Drejtësisë në Norvegji, Monica Maeland, është informuar dhe është duke vëzhguar situatën nga afër, ka thënë Ministria përmes një postimi në “Twitter”./ REL

Lajme të sponsorizuara

Të fundit
Kryetari i PDK-së, Memli Krasniqi, ka qëndruar sonte në Burojë,…