Ministri në detyrë për Komunitete dhe Kthim, Nenad Rashiq, ka deklaruar se nuk ka pasur informacione për ndonjë kërcënim apo sulm të mundshëm nga Serbia, siç është përmendur në deklaratat e ish-presidentit amerikan Donald Trump.

“Deklarata e Trumpit nuk është diskutuar, kemi diskutuar sa i përket fuqizimin e marrëdhënieve, stabilitetit gjithëpërfshirës në rajon, bashkëpunim më të thellë. Besoj që me këtë nivel të administratës së Trumpit do të kemi një bashkëpunim edhe më të thellë. Nuk i kam pasur ato informata të cilat Trumpi po thekson se i ka pas”, ka thënë Rashiqi.