Sekretari organizativ i LDK-së, Visar Azemi, ka deklaruar se sot është ftuar nga Drejtoria e Krimeve Ekonomike për të paraqitur dëshmitë që i ka mbledhur në lidhje me rastin e njëhsorëve të energjisë elektrike.

Ai tha se është duke dhënë deklaratën e tij si dëshmitar dhe shpreson që rasti të marrë një zgjidhje të merituar.

“Kërkoj të bëhet hetim i pavarur, të tregohet se sa i madh është ky skandal. Paratë e vjedhura, të kthehen tek qytetarët’’, ka theksuar Visar Azemi, pas dorëzimit të dëshmive në Policinë e Kosovës, lidhur me skandalin e njehsorëve elektrik.