Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka marrë pjesë në gala mbrëmjen për 100-vjetorin e Shoqatës së Konsujve të Përgjithshëm në Nju-Jork.

Ai ka postuar fotografi me kryesuesin aktual të kësaj shoqate, Amir Farid Abu Hasan, konsull i përgjithshëm i Malajzisë dhe me Cliff Seagroves, u.d. drejtor i Zyrës për Misionet e Huaja në Stejt Departamentin Amerikan.

Ambasadori Reka ka theksuar se Republika e Kosovës, prezantoi prodhimet e veta në këtë event diplomatik të shoqatës më të madhe dhe më të vjetër të konsujve të përgjithshëm.