Rita Ora mban fjalën, fillon ndërtimin e shtëpisë për familjen që tërmeti e la pa kulm mbi kokë

02 dhjetor 12:01

Iniciativa e Rita Orës për të ndërtuar nga një shtëpi për shumë familje të prekura nga tërmeti në Shqipëri, ka filluar me ndërtimin e shtëpisë për familjen Sala.

Këngëtarja shqiptare me famë botërore, Rita Ora, ka premtuar se do të rindërtonte shtëpinë e një prej familjeve të prekura nga tërmeti.

Familja Sala është familja e cila jeton në fshatin Pinar të Tiranës dhe banesa e saj u shemb nga lëkundja e fortë.

“E para që zgjodha është familja Sala. Do ta ndjekim ecurinë e kësaj pune që të ketë dhe familje të tjera që të marrin të njëjtën ndihmë. Ju lutem, klikoni në blogun tim për të bërë të njëjtën gjë dhe ju. Lutjet e mia dhe dashuria ime shkojnë drejt atyre që janë prekur. Me dashuri, Rita””, shkruante Ora në postimin e saj në “Isstagram”.

Ajo ka bërë me dije se kjo nuk është familja e vetme të cilëve do iu ndihmojë, ndërsa ka bërë thirrje për të gjithë ata që kanë mundësi që të veprojnë njëjtë.

Lajme të sponsorizuara

Të fundit
Website-i teknologjik “Futurism” ka zbuluar pak kohë më parë një…