Mewis, e cila po ashtu është shefe e departmentit të kulturës në Institutin Gjerman Goethe në Bagdad, u rrëmbye në orët e mbrëmjes së kaluar pranë zyrës së saj në rrugën Abu Nuwas.

Aktivistja gjermane Hella Mewis është rrëmbyer nga njerëz të armatosur të panjohur në kryeqytetin e Irakut, raporton Anadolu Agency (AA).

Një polic irakian, Ahmad Khalaf, për AA tha se Mewis, e cila po ashtu është shefe e departmentit të kulturës në Institutin Gjerman Goethe në Bagdad, u rrëmbye në orët e mbrëmjes së kaluar pranë zyrës së saj në rrugën Abu Nuwas.

Ai tha se ekipet nga Ministria e Mbrojtjes dhe nga Ministria e Brendshme, si dhe policia po kontrollojnë zonën.

Deri më tani asnjë grup nuk e ka marrë përsipër rrëmbimin.

Mewis është një aktiviste me detyrat e saj në institutin Goethe, një institut kulturor gjerman që vepron në gjithë botën me të paktën 159 institute në 98 vende. Ajo punon në Qendrën Gjermane të Arteve Tarkib, e cila organizon festivale çdo vit për të mbështetur të rinjtë në Bagdad.