Rusia ka humbur një tjetër gjeneral në luftën kundër Ukrainës. Sipas asaj që raporton agjencia ruse e lajmeve TASS, bëhet fjalë për zëvendëskomandantin e ushtrisë së 8-të të forcave të armatosura ruse, Vladimir Petrovich Frolov.

Lajmi u konfirmua nga guvernatori i Shën Petersburgut, Alexander Beglov. Ai u shpreh: “Vladimir Petrovich Frolov pati një vdekje heroike në betejë me nacionalistët ukrainas”.

Guvernatori tha se Frolov “sakrifikoi jetën e tij që fëmijët, gratë dhe të moshuarit në Donbas të mos dëgjonin më shpërthime bombash…”

Megjithatë, shumica e bombardimeve në Ukrainë është duke u kryer nga Rusia. Gjatë gjithë luftës, disa gjeneralë rusë dhe personel ushtarak të rangut të lartë raportohet të kanë humbur jetën.