Ministria e Jashtme e Rusisë ka dëbuar 40 diplomatë gjermanë, vetëm disa javë pasi Berlini njoftoi vendimin e tij për të dëbuar të njëjtin numër të stafit diplomatik rus.

Në një deklaratë, ministria tha se kishte marrë vendimin për të shpallur stafin si “personae non grata”, pasi Gjermania shpalli si “të padëshirueshëm” një numër të konsiderueshëm zyrtarësh në ambasadën ruse në Berlin.

Në fillim të këtij muaji, Ministria e Jashtme e Gjermanisë njoftoi vendimin e saj për të dëbuar 40 diplomatë rusë, pasi Moska po përballet me neveri globale dhe akuza për krime lufte.

Disa vende të tjera të BE-së, përfshirë Lituaninë, Letoninë, Estoninë, Bullgarinë, Poloninë, Sllovakinë dhe Republikën Çeke, gjithashtu kërkuan që diplomatët rusë të largoheshin nga vendet e tyre.