Rusia njeh autoritetin e ri në Sudan

16 prill 16:01

Moska e ka njohur autoritetin e ri në Sudan pas rrëzimit nga pushteti të presidentit Omar al-Bashir.

Këtë e ka konfirmuar për agjencinë ruse të lajmeve “RIA”, zëvendësministri i Jashtëm i Rusisë, Mikhail Bogdanov.

Këshilli ushtarak i Sudanit më 11 prill e ka rrëzuar nga pushteti dhe e ka arrestuar presidentin Omar al-Bashir.

Bashiri, e ka qeverisur Sudanin që nga viti 1989. Ai është subjekt i një urdhër-arresti ndërkombëtar të lëshuar nga Gjykata Ndërkombëtare Penale (ICC), e cila e akuzon atë për organizimin e krimeve të luftës dhe krimeve kundër njerëzimit në rajonin e Darfurit në Sudan.

Ushtria ka thënë se do të jetë mbikëqyrëse për një periudhë dyvjeçare tranzitore deri në mbajtjen e zgjedhjeve të reja.

Protestat kundër presidentit kishin filluar prej disa muajsh mirëpo ato nuk u ndalen as pas rënies së tij nga pushteti.

Protestuesit po pretendojnë se Këshilli ushtarak që mori pushtetin është pjesë e të njëjtit regjim.

Lajme të sponsorizuara