Safete Hashimi – Çitaku garon për herë të parë për asambliste në Kuvendin Komunal në Fushë – Kosovë.  Ajo mban numrin 15 në listën e Partisë Demokratike të Kosovës (PDK).

Çitaku, e cila me profesion është teknologe ushqimore, ka thënë se kandidatura e saj për asambliste buron nga dëshira për t’iu shërbyer qytetarëve të Fushë – Kosovës.

“Kandidatura ime buron nga dëshira për t’iu shërbyer qytetarëve, për të ngritur zërin e tyre në institucionet komunale dhe për të ofruar ide e zgjidhje konkrete në të mirë të komunitetit”, ka thënë Hashimi- Çitaku.

Në këtë kontekst, ajo ka thënë se është e gatshme të marrë përgjegjësi në funksion të zhvillimit të Fushë-Kosovës

“Besoj se bashkë mund të ndërtojmë një Fushë Kosovë më të zhvilluar, më të drejtë dhe më të hapur për të gjithë. Andaj, kërkoj mbështetjen tuaj në zgjedhjet e 12 Tetorit duke votuar Rrahim Tërnavën për kryetar, Partinë Demokratike të Kosovës dhe numrin 15 për kuvendin komunal”, ka thënë  Hashimi – Çitaku.

Kandidatura e Safete Çitakut është vlerësuar lartë edhe nga pretendenti i PDK-së për kryetar të Fushë-Kosovës, Rrahim Tërnava,

“Ajo është figurë e respektuar dhe një kuadër qe i duhet Fushë Kosovës. Safetja është e përkushtuar ndaj komunitetit dhe qytetareve të Fushë Kosovës pa dallim.  Ajo prej vitesh është aktive në jetën politike dhe shoqërore, duke u bërë një zë e njohur në mbështetje  për barazi gjinore dhe mirëqenie të qytetareve të Fushë Kosovës. Safetja ka mbaruar fakultetin e Xehtarisë dhe Metalurgjisë në Universitetin e Prishtinës, dega në Mitrovicë dhe ka marrë titullin teknologe e ushqimit. Ajo është kandidate për Kuvendin Komunal të Fushë Kosovës nga radhët e PDK-së me nr. 15”, ka thënë Tërnava në prezantimin e Çitakut.