Deputetja e Partisë Demokratike të Kosovës (PDK), Sala Jashari, ka folur në seancë, pas përfundimit të saj.

Ajo ka thënë se PDK-ja ka bërë kompromisin e saj.

Sipas saj, Vetëvendosje është duke u sjell sikur t’i kishte fituar mbi 50 për qind të votave.

“Gjendem këtu sepse edhe sot në tentativën e 43-të, LV-ja sillet sikur të kishte edhe më shumë se 50 për qind të votave. Kompromisi i tyre pretendojnë se është për ta votuar vetëm një të propozuar, dhe atë në mënyrë të fshehtë. Ky nuk është kompromis. Kompromis është kur PDK-ja i ka dhënë mundësinë LV-së duke i thënë, ne do t’i votojmë shumicën e emrave të LV-së, për ta zgjidhur këtë situatë. Atëherë më tregoni, çfarë zgjidhje po kërkohet kur zgjidhja është përpara jush”, ka thënë Jashari.