Sami Lushtaku, kandidati i Partisë Demokratike të Kosovës (PDK), ka shënuar një fitore të thellë në zgjedhjet për kryetar të komunës së Skenderajt, të mbajtura më 12 tetor 2025.

Sipas rezultateve preliminare të publikuara nga Komisioni Qendror i Zgjedhjeve (KQZ), Lushtaku ka marrë 83.45% të votave, përkatësisht 12,433 vota nga gjithsej 14,898 të numëruara deri më tani.

Kandidati i Lëvizjes Vetëvendosje, Hysni Mehani, ka siguruar vetëm 9.78% të votave (1,457 vota), ndërsa kandidati nga Iniciativa Qytetare për Skenderaj, Sokol Halili, ka përfunduar i treti me 6.77% (1,008 vota).

Në këtë komunë, deri në orët e mëngjesit të 13 tetorit, ishin numëruar 69 nga 72 vendvotime, që përfaqëson 95.83% të totalit, ndërsa pjesëmarrja në votime ka qenë 27.38% (14,898 votues nga 54,413 të regjistruar).