Samsungu lansoi serinë Galaxy Note 9 më 9 gusht të vitit të kaluar dhe kjo kompani koreano-jugore mund të lansojë Galaxy Note 10 këtë vit në të njëjtin muaj.

“GSM Arena”, shkruan se kjo mund të ndodhë më 10 gusht.

Këtë vit, kompania do të lansojë dy telefona nga seria Galaxy Note 10 (katër nëse i numërojmë variantet 5G që janë diskutuar gjithashtu) – standardi Galaxy Note 10 dhe Galaxy Note 10 Pro.

Kohët e fundit ka dalë në pah se të dy këta telefona kanë një dizajn të ngjashëm, me Galaxy Note 10 Pro që ka një ekran pak më të madh dhe një kamerë shtesë në anën e pasme.

Samsung do të largojë portin 3.5 mm për kufjet nga seria Note 10 dhe e njëjta gjë vlen edhe për butonin e caktuar të Bixbyt që nuk është pranuar mirë nga përdoruesit./ksp