Me harduer të fuqishëm që punon në harmoni me një sistem kamerash lider në industri dhe përvoja intuitive me AI, detyrat e përditshme nuk kanë qenë kurrë më të lehta dhe më të shpejta.

Samsung Electronics njoftoi sot serinë Galaxy S26, të fuqizuar nga përvojat më intuitive, proaktive dhe adaptive të Galaxy AI deri më tani, e projektuar për të thjeshtuar detyrat që njerëzit kryejnë çdo ditë në telefonat e tyre. Nga menaxhimi i planeve dhe gjetja e informacionit, te grumbullimi dhe përpunimi i përmbajtjes, Galaxy S26 redukton përpjekjen dhe numrin e hapave të nevojshëm për të realizuar detyrat. Si telefonët e gjeneratës së tretë me AI të Samsung, Galaxy S26, S26+ dhe S26 Ultramenaxhojnë detyra komplekse në sfond, duke u mundësuar përdoruesve të fokusohen te rezultati dhe jo te mënyra si funksionon teknologjia.

Seria Galaxy S26 është ndërtuar duke bashkuar në një të vetëm aftësitë më të avancuara të Samsung: performancë të jashtëzakonshme dhe një sistem kamerash lider në industri dhe Galaxy AI. Kjo krijon një bazë të fortë që u jep përdoruesve besimin të mbështeten te telefoni i tyre gjatë gjithë ditës, pa kompromentuar sigurinë apo privatësinë.

Duke u bazuar në dekadat e inovacionit të Samsung në teknologjinë e ekranit, Galaxy S26 Ultra prezanton ekranin e parë të integruar Privacy Display për telefonat mobile, duke hapur një klasë të re përvojash të ekranit dhe duke forcuar angazhimin e Samsung për privatësinë deri në nivel pixel-i. Galaxy S26 Ultra ofron gjithashtu një chipset të personalizuar dhe menaxhim të përmirësuar termik që mundësojnë AI më të shpejtë dhe më të fuqishme, të gjitha të integruara në versionin Ultra më të hollë deri më tani.

Së bashku, këto inovacione e bëjnë serinë Galaxy S26 përvojën më të fuqishme Galaxy deri tani.

“Ne besojmë se inteligjenca artificiale duhet të jetë e besueshme dhe e qasshme për të gjithë, diçka mbi të cilën mund të mbështeteni çdo ditë, pa pasur nevojë për njohuri të veçanta teknike,” u shpreh TM Roh, Drejtor Ekzekutiv, President dhe drejtues i divizionit Device eXperience (DX) në Samsung Electronics. “Me serinë Galaxy S26, ne u përqendruam që AI të funksionojë në mënyrë të natyrshme dhe pa pengesa, duke punuar në heshtje në sfond, kështu që njerëzit mund të fokusohen tek ajo që ka rëndësi.”

Performancë e fuqishme, e përshtatur për përdorim të përditshëm

E projektuar për performancë të besueshme gjatë gjithë ditës, seria Galaxy S26 mbështetet në harduerin më të fuqishëm deri më tani në linjën Galaxy S, së bashku me një çipset të personalizuar. E gjithë seria është optimizuar për funksionimin e inteligjencës artificiale, efikasitet energjetik dhe menaxhim të avancuar të nxehtësisë, në mënyrë që edhe detyrat më kërkuese të realizohen pa ndërprerje dhe në mënyrë të qëndrueshme, pikërisht kur është më e nevojshme.

Në modelin Galaxy S26 Ultra, performanca më e lartë në klasën e tij sigurohet nga procesori mobile i personalizuar Snapdragon® 8 Elite Gen 5 Mobile Platform for Galaxy. Falë përmirësimeve të ndjeshme në aftësitë e procesorit (CPU), grafikës (GPU) dhe inteligjencës artificiale (NPU), pajisja ofron funksionim më të shpejtë, më të rrjedhshëm dhe më të besueshëm gjatë gjithë ditës.

Një rritje e performancës së CPU-së deri në 19%bën që Galaxy S26 Ultra të përgjigjet më shpejt dhe të menaxhojë detyrat komplekse në mënyrë inteligjente, madje edhe kur shumë detyra po funksionojnë njëkohësisht. Performanca e përmirësuar e NPU-së me 39% fuqizon veçoritë Galaxy AI që funksionojnë vazhdimisht në sfond, në mënyrë të padukshme dhe pa ndërprerje, duke mundësuar kalim të lehtë midis detyrave. Me një GPU 24% më të fuqishëm, përdoruesit mund të shijojnë pamje më të pasura dhe një përvojë gaming edhe më të rrjedhshme.

Për të ruajtur këtë nivel performance, Galaxy S26 Ultra sjell një dhomë ftohjeje Vapor Chamber të ridizajnuar, me material përçues të nxehtësisë të vendosur përgjatë skajeve të procesorit, duke mundësuar shpërndarje më efikase të nxehtësisë në një sipërfaqe më të madhe. Kjo përmirësondisipimin e nxehtësisë dhe siguron funksionim të qëndrueshëm të pajisjes edhe gjatë aktiviteteve intensive si gaming, multitasking apo regjistrim videoje. Për përdorim gjatë gjithë ditës, është gjithashtu i disponueshëm Super Fast Charging 3.0, që mundëson deri në 75% karikim për vetëm 30 minuta.

Në procesor janë integruar edhe teknologjitë e veta të Samsung për përmirësimin e cilësisë së imazhit. ProScaleroptimizon rezolucionin e figurës, duke i bërë fotografitë dhe videot më të mprehta dhe më të detajuara, me tekst më të qartë dhe tekstura më të lëmuara. Ndërkohë, motori mobile Samsung Digital Natural Image (mDNIe) mundëson ngjyra më natyrale dhe realiste falë përpunimit të imazhit me katër herë më shumë saktësi krahasuar me gjeneratën e mëparshme.

Së bashku, këto përmirësime sigurojnë performancë të besueshme gjatë gjithë ditës, duke e bërë çdo veprim më të shpejtë, më të thjeshtë dhe pa përpjekje.

Sistemi lider në industri i kamerës Galaxy

Seria Galaxy S26 sjell të njëjtin fokus në ndërveprim intuitiv edhe tek kreativiteti dhe produktiviteti, përmes sistemit të kamerave të Galaxy, lider në industri. Me një qasje që integron kapjen e fotove dhe videove mahnitëse, redaktimin dhe ndarjen në një përvojë të vetme dhe të qetë, kreativiteti ndihet më natyral dhe i arritshëm edhe pa mjete profesionale ose njohuri teknike.

Në modelin Galaxy S26 Ultra, hapja më e gjerë e lentes i mundëson sensorit të kapë më shumë dritë, duke rezultuar në fotografi më të qarta me detaje më të pasura në kushte ndriçimi të ulët, edhe gjatë zmadhimit. Nightography Video i përmirësuar i ruan pamjet të qarta dhe plot ngjyra edhe në skena të errëta, qoftë kur regjistroni një koncert në ambient të mbyllur apo momente pranë zjarrit në natyrë pas perëndimit të diellit. Regjistrimi i videove është përmirësuar më tej me aftësitë e përditësuara Super Steady, që tani ofrojnë bllokim horizontal për pamje më të qëndrueshme dhe kornizim më konsistent, edhe në terrene të pabarabarta apo gjatë lëvizjeve të shpejta. Galaxy S26 Ultra është pajisja e parë Galaxy që mbështet APV, një codec video profesional i ri, i dizajnuar për të siguruar kompresim efikas në rrjedhat e prodhimit me cilësi të lartë. I optimizuar për krijuesit e avancuar, ai garanton cilësi video vizualisht pa humbje që mbetet e saktë edhe pas redaktimeve të përsëritura.

Përmirësimet në AI ISP tani përfshijnë edhe kamerën selfie, duke kapur tone më natyrale të lëkurës dhe më shumë detaje në ndriçim të përzier.

Redaktimi i fotove dhe videove është po aq i lehtë dhe i thjeshtë, me mjete të fuqizuara nga AI të integruara në rrjedhat e punës, që u lejojnë përdoruesve të bëjnë ndryshime shpejt dhe të shprehin kreativitetin e tyre pa pasur ekspertizë në dizajn.

Me paketën e përditësuar Photo Assist, mjafton ta përshkruani me fjalët tuaja atë që dëshironi të ndryshoni. Shndërrimi i ditës në natë ose shtimi i një pjese objekti, si p.sh. një copë që mungon nga torta, tani është shumë i thjeshtë. Galaxy AI mund të heqë edhe detaje të padëshiruara, si njolla në rroba, apo të ndryshojë veshjet në fotografi. Editimet tani mund të bëhen në mënyrë të vazhdueshme, të shihen hap pas hapi dhe të përshtaten ose anulohen lehtësisht, duke e bërë procesin fleksibël dhe të personalizueshëm.

Creative Studio e çon këtë thjeshtësi edhe më tej, duke bashkuar krijimin dhe personalizimin në një mjedis të vetëm të integruar, ku idetë shndërrohen menjëherë në vizuale të gatshme, nga sticker-at dhe ftesat, te sfondet e personalizuara, madje mund të finalizohen ose shpërndahen pa ndërprerë procesin krijues.

Seria Galaxy S26 gjithashtu thjeshton detyrat vizuale të përditshme me mjete të fuqizuara nga AI, si Document Scan, i cili heq shtrembërimet dhe shpërqendrimet, si gërvishtjet apo gishtat, për të ofruar skanime të pastra menjëherë. Imazhet e shumta mund të organizohen automatikisht në një PDF të vetëm, duke e bërë të lehtë digjitalizimin e faturave, formularëve ose shënimeve.

Përvoja më intuitive e Galaxy AI deri më tani

Seria Galaxy S26 është projektuar për ta bërë çdo veprim të përditshëm të thjeshtë dhe intuitiv, me Galaxy AI që redukton numrin e hapave midis ideve tuaja dhe realizimit të tyre. AI funksionon në mënyrë proaktive dhe të padukshme, duke ofruar ndihmën e duhur në momentin e duhur dhe duke automatizuar detyrat me minimalisht ndërhyrje manuale. Ndërsa teknologjia punon në sfond, përdoruesit mund të përqendrohen tek rezultati.

Me Now Nudge, sugjerimet e drejtpërdrejta dhe relevante ndihmojnë përdoruesit të qëndrojnë të fokusuar pa ndërprerje. Nëse një mik kërkon fotografi nga udhëtimi i fundit, Galaxy S26 propozon automatikisht imazhet e duhura nga Galeria, pa nevojën për të kërkuar në albume apo për të kaluar nga një aplikacion në tjetrin. Nëse merrni një njoftim për takim, Galaxy S26 mund të identifikojë hyrjet përkatëse në kalendar dhe të kontrollojë nëse ka përplasje të mundshme të orareve.

Në serinë Galaxy S26, Now Brief është bërë më proaktiv dhe më i personalizuar. Ai ofron kujtesa në kohë për ngjarje të rëndësishme, nga rezervimet te përditësimet e udhëtimeve, bazuar në kontekstin personal, duke ndihmuar përdoruesit të mbeten të organizuar gjatë gjithë ditës.

Kërkimi i informacionit është bërë më i thjeshtë se kurrë. Circle to Search me Google është përmirësuar me njohje më të avancuar të objekteve, duke lejuar përdoruesit të eksplorojnë disa pjesë të një imazhi njëkohësisht. Nëse përdoruesi gjen një stil që i pëlqen, kjo veçori mund të identifikojë gjithçka, nga xhaketa te këpucët, me një kërkim të vetëm.

Seria Galaxy S26 përfshin një Bixby të përditësuar si agjent bisedor për pajisjet, duke e bërë ndërveprimin me pajisjet Galaxy më intuitiv dhe më të lehtë se kurrë. Përdoruesit mund të lundrojnë në pajisjet e tyre dhe të rregullojnë cilësimet duke përdorur gjuhë natyrale, pa pasur nevojë për terminologji ose komandë të saktë.

Përveç Bixby, seria Galaxy S26 integron një zgjedhje agjentësh, përfshirë Gemini dhe Perplexity. Pasi të konfigurohen, detyrat mund të kryhen me një shtypje të vetme të butonit ose një komandë zanore. Galaxy S26 gjithashtu mund të menaxhojë detyra me shumë hapa në sfond, duke thjeshtuar procesin për përdoruesin. Për shembull, me Gemini, rezervimi i një taksie është po aq i thjeshtë sa të kërkosh, të rishikosh detajet dhe të konfirmosh. Këta agjentë mbështesin detyra të tilla si kërkimi dhe kryerja e detyrave komplekse në mënyrë të rrjedhshme përmes aplikacioneve përmes ndërveprimit natyral.

Të gjitha këto veçori proaktive, të personalizuara dhe të përshtatshme vendosin bazat për një përvojë më të avancuar AI, duke e bërë Galaxy një shok të besueshëm që kupton dhe parashikon nevojat e përdoruesit.

Mbrojtje e avancuar në epokën e AI

Ndërsa përvojat mobile bëhen më të personalizuara falë AI, mbrojtja e privatësisë së përdoruesve bëhet edhe më kritike. Samsung ndërton mbrojtje në çdo shtresë të Galaxy S26, duke mbajtur të dhënat personale të sigurta dhe duke u dhënë përdoruesve transparencë dhe kontroll mbi mënyrën se si përdoret informacioni i tyre.

Galaxy S26 Ultra prezanton privatësinë në nivel pixel me ekranin e parë të integruar Privacy Display në industrinë mobile, një përparim i jashtëzakonshëm në teknologjinë e ekranit që ndryshon në mënyrë thelbësore mënyrën se si mund të mbrohet privatësia në një telefon. I dizajnuar për situata të përditshme si transporti, kafenetë dhe ambientet e përbashkëta, Privacy Display shkon përtej çdo gjëje të disponueshme më parë në pajisjet mobile, hardware dhe software që punojnë si një për të mbrojtur privatësinë pa kompromentuar përvojën e shikimit.

Duke kontrolluar mënyrën se si pixel-at shpërndajnë dritën, ekrani mban përmbajtjen të qartë, të ndritshme dhe të rehatshme për përdoruesin në përdorimin e përditshëm, ndërsa kufizon atë që mund të shohin të tjerët. Ndryshe nga filmat tradicionalë të privatësisë që ngjiten mbi ekran, Privacy Display i integruar i Galaxy ruan cilësinë e plotë të shikimit nga të gjitha drejtimet kur është fikur dhe kufizon dukshmërinë për të tjerët nga këndet anësore kur aktivizohet, edhe kur ndryshohet midis orientimit portret dhe peizazh.

Përdoruesit mund të personalizojnë vetë momentin e aktivizimit të tij, për shembull kur vendosin PIN, modele ose fjalëkalime, ose kur hapin aplikacione të zgjedhura dhe të rregullojnë nivelet e privatësisë sipas situatës. Partial Screen Privacy kufizon në mënyrë inteligjente dukshmërinë e dritareve të njoftimeve, ndërsa Maximum Privacy Protectionerrëson më tej pamjet anësore për më shumë diskrecion, gjithçka me ndikim minimal në energji ose përdorshmëri.

Seria Galaxy S26 sjell gjithashtu mbrojtje më inteligjente të softuerit që punon në heshtje në sfond. Call Screening i fuqizuar nga AI identifikon thirrësit e panjohur dhe përmbledh qëllimin e tyre, duke e bërë më të lehtë menaxhimin e sigurt të thirrjeve. Privacy Alerts përdorin mësimin makinerik për të njoftuar përdoruesit në kohë reale kur aplikacionet me privilegje administrimi në pajisje përpiqen pa nevojë të aksesojnë të dhëna të ndjeshme, si lokacioni i saktë, regjistrat e thirrjeve ose kontaktet. Këto njoftime ndihmojnë përdoruesit të kuptojnë shpejt kur aplikacionet kërkojnë akses më të thellë, në mënyrë që të menaxhojnë lejet me qartësi dhe kontroll më të madh.

Private Album, i integruar direkt në Gallery, u lejon përdoruesve të fshehin lehtësisht fotot dhe videot e zgjedhura pa krijuar një dosje të veçantë ose pa u futur në një Samsung Account. Për të qëndruar përpara kërcënimeve të reja, Galaxy S26 gjithashtu zgjeron inovacionin e Samsung në kriptografinë post-quantum (PQC) tek proceset kritike të sistemit, duke përfshirë verifikimin e softuerit dhe mbrojtjen e firmware, duke forcuar integritetin e pajisjes për të ardhmen.

Përditësimet e reja të Knox Matrix forcojnë më tej mbrojtjen në të gjitha pajisjet e lidhura Galaxy, duke shtuar kriptimin end-to-end të aktivizuar nga PQC për më shumë shërbime, si transferimet e eSIM-it dhe duke ofruar pamje më të qarta mbi statusin e përditësimeve të firmware në të gjithë ekosistemin përmes Security Status of Your Devices.

Këto përvoja mbështeten nga Samsung Knox, platforma me shtresa të shumëfishta sigurie që mbron pajisjet Galaxy nga niveli i çipit e lart. Për Galaxy AI në pajisje, Personal Data Engine (PDE) mundëson përvoja AI të personalizuara dhe të ndërgjegjshme për kontekstin. Për ta mbajtur këtë proces të sigurt, Knox Enhanced Encrypted Protection (KEEP)enkripton të dhënat e çdo aplikacioni, ndërsa Knox Vaultshton një shtresë fizike mbrojtjeje që izolon të dhënat e ndjeshme brenda harduerit të vet të sigurt. Së bashku me cilësimet që u lejojnë përdoruesve të zgjedhin se si funksionojnë veçoritë e AI, Galaxy S26 kombinon harduerin dhe softuerin për të ofruar një qasje gjithëpërfshirëse, në nivel sistemi, e dizajnuar për të mbrojtur të dhënat personale.

Këto përditësime ndërtohen mbi portofolin ekzistues të sigurisë dhe privatësisë së Galaxy, që përfshin Auto Blocker, Theft Protection, Private Sharing, Secure Wi-Fi dhe më shumë. Këto shtresa mbrojtjeje janë dizajnuar për t’u dhënë përdoruesve më shumë transparencë, zgjedhje dhe kontroll, falë inovacionit të vazhdueshëm të Samsung në sigurinë mobile në epokën e AI. Dhe me shtatë vjet përditësime sigurie, Galaxy S26 ndihmon që këto shtresa të mbeten të qëndrueshme me kalimin e kohës, duke mbështetur përdorim më të gjatë dhe me besim edhe për vitet që vijnë.

Lehtësia e përdorimit të Galaxy S26 vazhdon edhe kur telefoni nuk është në dorën tuaj. Seria e re Galaxy Buds4 është një shoqërues natyral për Galaxy S26, duke zgjeruar përvojat e përditshme përtej telefonit dhe duke ofruar një tingull hi-fi të pasur dhe të thell. Kur Galaxy S26 është i lidhur me Galaxy Buds4, ndërveprimet mund të vazhdojnë në mënyrë natyrale në momentet kur përdorimi i duarve nuk është praktik. Përdoruesit mund të aktivizojnë agjentët AI me zërin e tyre, të menaxhojnë thirrjet përmes Head Gestures të thjeshta në Buds4 Pro dhe të mbeten të lidhur pa ndërprerë rrjedhën e aktivitetit.

Disponueshmëria

Galaxy S26 Ultra, S26+ dhe S26 do të jenë të disponueshëm për porosi paraprake duke filluar nga 25 shkurti. Seria Galaxy S26 ka një gjuhë dizajni të unifikuar në të gjitha modelet, me opsione ngjyrash të përbashkëta që përfshijnë ngjyrën vjollcë kobalt, blu qielli, e zezë dhe e bardhë. Konsumatorët që bëjnë porosi paraprake nga seria Galaxy S26 do të përfitojnë ekskluzivisht versionin 512 GB me çmimin e modelit 256 GB.

Për të gjitha informacionet rreth serisë Galaxy S26, ju lutemi vizitoni Samsung në https://www.samsung.com/al/.