Kryeministri i  Kosovë, Albin Kurti dhe ministrja për Punë të Jashtme dhe Diasporë, Donika Gërvalla kanë takuar sot virtualisht ambasadorët dhe shefat e misioneve diplomatike dhe konsullore të Kosovës.

Ky takim i jashtëzakonshëm është realizuar pas fillimit të sulmit të Rusisë mbi Ukrainën.

Në njoftimin e Zyrës së kryeministrit është thënë se diplomatët e Kosovës, me detyrë në vende të ndryshme janë njoftuar nga Kurti e Gërvalla lidhur me vendimin e fundit të Qeverisë për vendosjen e sanksioneve ndaj entiteteve dhe individëve nga Rusia, Bjellorusia dhe dy rajonet e Ukrainës që shpallën ilegalisht “pavarësinë”.

Me këtë veprim Kosovës është rreshtuar përkrah vendeve demokratike, në këtë betejë botërore kundër diktaturës e autokracisë, është theksuar në takim.

Ambasadorët e Kosovës kanë bërë me dije pozicionet “dhe zhvillimet e fundit të vendeve pritëse dhe vendeve të tjera që i mbulojnë.

Ata po ashtu e kanë njoftuar Kurtin dhe Gërvallën lidhur me angazhimin e tyre intensiv në përcjelljen e informacionit tek vendet që mbulojnë për pozicionin e Republikës së Kosovës, në mbështetje të integritetit territorial, sovranitetit dhe pavarësisë së Ukrainës.