Arsim Sinani, politolog tha në një intervistë për Euronews Albania se Serbia është kundër ndërtimit të rrugës Prizren-Tetovë.

Kjo pasi siç thotë ai, e njëjta rrugë do të bashkojë më shumë shqiptarët dhe do të bëjë që Serbia të humbë kontrollin mbi Ballkanin qendror.

“Serbisë i dhemb shumë rruga Tetovë-Prizren se në shkuarën, nga doktrina e ideologëve të Serbisë së madhe del rruga Tetovë-Prizren dhe i vjen Serbisë si bumerang se bëhet rrugë e shqiptarëve dhe ata e humbin kontrollin në Ballkanin qendror”, tha Sinani.