Kandidatja e PSD-së për kryetare të Prishtinës, Besa Shahini, në debatin me kundërkandidatët e saj për kryeqytetin, foli edhe për rëndësinë e ndërtimit të çerdheve.

Shahini në Rubin të Klan Kosovës tha se aktualisht nevojitet ndërtimi i 30 çerdheve, të cilat siç tha ajo janë të domosdoshme.

“E kemi bërë një kalkulim të thjeshtë. Sot, më pak se 10 për qind e fëmijëve nga o deri në 6 e vijojnë mësimin, pra nuk shkojnë as në kopshte ose çerdhe publike/private”, theksoi ajo në Klan Kosova.

“Duhet dyfishim i këtij numri për ta tejkaluar krizën emergjente për kujdesin e fëmijërisë së hershme”, theksoi Shahini.