ShBA-ja vendos sanksione ndaj kompanive pakistaneze

26 mars 2018 | 12:06

Shtetet e Bashkuara të Amerikës (ShBA) kanë vendosur sanksione ndaj kompanive pakistaneze, që dyshohen se janë përfshirë në tregti bërthamore.

Kjo lëvizje me gjasë do të dëmtojë ambiciet e Pakistanit për t’u anëtarësuar në Grupin e Furnizuesve Bërthamor (NSG), një grup i shteteve që mund të tregtojnë teknologji bërthamore.

Marrëdhëniet në mes të ShBA-së dhe Pakistanit janë përkeqësuar vitet e fundit, për shkak të mbështetjes së Islamabadi bën ndaj grupeve militante që luftojnë në Afganistan. Pakistani i mohon këto akuza.

Byroja për Industri dhe Siguri e ShBA-së ka vendosur sanksione ndaj kompanive pakistaneze, duke i vendosur ato në “Listën e entiteteve”, raporton “Rel”.

Byroja ka thënë se kompanitë pakistaneze “kanë vepruar në kundërshtim me sigurinë kombëtare ose në interesat e politikës së jashtme të Shteteve të Bashkuara”.

Kompanive të sanksionuara nuk do t’iu ngrihen asetet, por atyre do t’ju duhet një licencë e posaçme për të bërë biznes në ShBA.

Në total janë 23 kompani që janë sanksionuar këtë javë nga ShBA-ja, duke përfshirë këtu 15 entitete nga Sudani Jugor dhe një nga Singapori.

Fjalët Kyçe:

Lajme të sponsorizuara

Të fundit
Ministri i Inovacionit dhe Ndërmarrësisë, Besim Beqaj po merr pjesë…