Një shef policor është sulmuar për vdekje në qytetin Rodez, në jug Francës.

Pascal Filoe është therur me thikë tri herë në mes të rrugës, nga një individ i njohur nga policia.

Rrjeti francez i radios, “France Info” ka raportuar se qeni i të dyshuarit është larguar nga ai një javë më parë.

Kjo gjë më pas është thënë se ka ndikuar që i dyshuari të kërcënojë disa zyrtarë të qytetit.

Filoe ka vdekur nga plagët e marra në spital, pak kohë pasi ka ndodhur sulmi.

Kryetari i qytetit, Rodez, Christian Teyssedre, i ka thënë agjencisë së lajmeve “AFP”, se Filoe ka qenë baba i tre fëmijëve.

Zyrtarët kanë njoftuar se zyrtarëve të përfshirë në këtë sulm do t’iu mundësohen disa këshillime psikologjike.