Në fshatin Llukë e Epërme të Deçanit po mbahet manifestimi përkujtimor për shënimin e 35-vjetorit të Kuvendit të Pajtimit të Gjaqeve në Verrat e Llukës.

Kryetari i Komunës së Deçanit, Bashkim Ramosaj, një ditë më parë njoftoi se në këtë ditë të shënuar do të bëhet edhe zbulimi i pllakës përkujtimore në vendin ku u vendos paqja dhe u hodh një hap i madh drejt unitetit dhe pajtimit kombëtar.