Veprimtari shqiptar Gubetini, së bashku me djalin e Kadri Veselit, Klestorin, dhe vëllain e Hashim Thaçit, Idrizin, po e përcjellin dëshminë e gjeneralit Wesley Clark në ditën e dytë të paraqitjes së tij në Hagë, në mbrojtje të ish-presidentit Hashim Thaçi, Kadri Veselit, Jakup Krasniqit dhe Rexhep Selimit.

Gubetini ka postuar fotografi para Gjykatës së Dhomave të Specializuara gjatë kohës së pauzës, ku shihet së bashku me Klestor Veselin dhe Idriz Thaçin. Siç bëhet e ditur, edhe sot salla është e mbushur plot me familjarë dhe të interesuar të tjerë që po e përcjellin dëshminë e gjeneralit Clark.