Shoqata e Trajnerëve e Futbollit e Republikës së Kosovës (ShTFRK), në bashkëpunim me Federatën e Futbollit e Kosovës (FFK) do ta organizojë seminarin njëditor me stafet mjekësore të angazhuara në klubet e futbollit.

Ky seminar ka për qëllim avancimin e njohurive profesionale dhe shkëmbimin e praktikave të fundit në fushën e mjekësisë sportive.

Ligjërues i seminarit do të jetë prof.ass.dr. Rilind Obërtinca, i cili do të trajtojë në mënyrë të detajuar aspektet më të rëndësishme që lidhen me parandalimin e lëndimeve në futboll. Seminari do të mbahet më 6 mars, me fillim në orën 9:30 në sallën e konferencave në selinë e FFK-së.

Pjesëmarrja në këtë seminar paraqet mundësinë e vlefshme për përmirësimin e praktikës profesionale dhe forcimin e bashkëpunimit në mes të stafit mjekësor dhe klubeve.

Rezervimi për pjesëmarrje në këtë seminar bëhet përmes e-mailit të shoqatës: [email protected] apo telefonit – 383 44 174 180.