Zyra e Rregullatorit të Energjisë (ZRRE), ka njoftuar se është shtyrë procesi i vendimmarrjes për dalje në treg të hapur, derisa shtoi se kjo nuk pengon konsumatorët që të ushtrojnë të drejtën e tyre për të dalë nga shërbimi universal që nga data 1 prill 2026.

Sipas ZRrE-së, vendimi është shtyrë deri më 1 maj të këtij viti, dhe arsyetim i tyre është nevoja për një analizë më të thelluar.

“Konsumatorët që plotësojnë kushtet e nevojshme mund të vazhdojnë procedurat e kalimit në furnizuesin e zgjedhur sipas afateve dhe procedurave të parashikuara. ZRRE do të vazhdojë të monitorojë procesin me kujdes dhe do të njoftojë publikun në kohë për çdo zhvillim të mëtejshëm”, thuhet në njoftim.

Megjithatë, ZRrE ka paralajmëruar se vetëm 50 kompani do të kalojnë në treg të hapur, burime të gazetares së Klan Kosova, Sala Gashi, bëjnë të ditur se dyfish më shumë kompani do të kryejnë këtë tranzicion, pra rreth 111 kompani.

Njoftim Publik

Zyra e Rregullatorit të Energjisë (ZRRE), në kuadër të procesit të rregullimit të tregut të energjisë elektrike, informon të gjithë konsumatorët, furnizuesit dhe palët e interesuara se është duke kryer shqyrtimin e detajuar dhe vlerësimin e kostove të ndërmarrjeve të rregulluara.

Për shkak të nevojës për analizë të thelluar dhe të plotë të të dhënave të paraqitura, procesi i vendimmarrjes është shtyrë. Si rrjedhojë, largimi i konsumatorëve nga shërbimi universal është shtyrë deri më datë 1 maj 2026.

Kjo shtyrje nuk pengon konsumatorët e kualifikuar për dalje në tregun e hapur që të ushtrojnë të drejtën e tyre për të dalë nga shërbimi universal që nga data 1 prill 2026. Konsumatorët që plotësojnë kushtet e nevojshme mund të vazhdojnë procedurat e kalimit në furnizuesin e zgjedhur sipas afateve dhe procedurave të parashikuara.

ZRRE do të vazhdojë të monitorojë procesin me kujdes dhe do të njoftojë publikun në kohë për çdo zhvillim të mëtejshëm.