Aleanca për Ardhmërinë e Kosovës ka konfirmuar rikandidimin e Smajl Latifit për një mandat të ri si kryetar i Komunës së Rahovecit në zgjedhjet lokale të tetorit. Vendimi është marrë në mbledhjen e Këshillit të Përgjithshëm të AAK-së dhe është miratuar me vota unanime.

Në të njëjtën mbledhje, AAK-ja ka shpallur edhe disa kandidatura të tjera për kryetarë komunash. Sipas njoftimit të kryetarit të partisë, Ramush Haradinaj, kandidaturat e miratuara janë si më poshtë:

• Në Gjakovë: Ardian Gjini
• Në Pejë: Ali Berisha
• Në Suharekë: Bali Muharremaj
• Në Rahovec: Smajl Latifi
• Në Klinë: Zenun Elezaj
• Në Deçan: Bashkim Ramosaj
• Në Prishtinë: Bekë Berisha
• Në Artanë: Ajet Avdyli

Haradinaj bëri të ditur se në ditët në vijim, degët e Aleancës në komuna të tjera do të dalin me propozimet e tyre për kandidatë, duke përmbyllur kështu hartën zgjedhore të partisë në të gjithë vendin.