Vesel Avdylaj, 32 vjeç, i cili vdiq në vendin e punës në Zvicër, do të varroset sot në Zabërgjë të Klinës. Varrimi i të ndjerit do të bëhet në orën 13:00, kanë konfirmuar familjarët e tij.

Vesel Avdylaj ka vdekur si pasojë e ngufatjes nga gazi në një fabrikë në Zvicër që merret me prodhimin e vajit për automjete. I ndjeri prej vitesh punonte dhe vepronte në Zvicër, atje ka edhe familjen e ngushtë, gruan dhe djalin tre vjeç, si dhe ishte në pritje për t’u bërë baba për herë të dytë.