Sindikata e Pavarur e Punëtorëve të KOSTT-it kanë bërë me dije se sot, duke filluar nga ora 10:00, do të protestojnë para ndërtesës së KOSTT-it në Prishtinë.

Sipas njoftimit nga Sindikata e Panvarur e Punëtorëve të KOSTT-it kjo protestë do të jetë paqësore.

Në njoftimin e kësaj sindikate thuhet se arsyeja e protestës është kërkesa legjitime për rritje të pagave, përkundër rritjes së vazhdueshme të kostos së jetesës dhe kontributit të madhe të punëtorëve tanë në sistemin energjetik të vendit.