Spanja ka bërë thirrje që Bashkimi Evropian të lëvizë drejt krijimit të një ushtrie të përbashkët për bllokun, si një masë mbrojtëse.

Kështu ka thënë ministri i Jashtëm spanjoll, Jose Manuel Albares, në një intervistë për Reuters të mërkurën, para takimeve në Davos.

“Rajoni duhet të fokusohet fillimisht në bashkimin e aseteve konkrete për të integruar siç duhet industrinë e mbrojtjes, dhe më pas të mobilizojë një koalicion të gatshëm,” tha Albares.

Ai shtoi se shqetësimi mbi gatishmërinë e qytetarëve evropianë për të u bashkuar ushtarakisht është një “debate legjitime”, por mundësia për të arritur një masë kritike është më e madhe si bllok sesa në nivel kombëtar. “Një përpjekje e përbashkët do të ishte më efikase se 27 ushtri kombëtare të ndara,” tha Albares.

Deklarata e tij erdhi para një takimi emergjent të liderëve të BE-së të enjten në Bruksel, ku do të diskutohet një përgjigje e përbashkët ndaj kërcënimeve të presidentit amerikan Donald Trump për të blerë ose aneksuar Grenlandën.

Një zëdhënës i Këshillit të BE-së konfirmoi se takimi do të zhvillohet pavarësisht se Trump kishte njoftuar në rrjetet sociale se ai dhe sekretari i përgjithshëm i NATO-s, Mark Rutte, kishin “formuar kornizën e një marrëveshjeje”.

Albares, i cili foli pas një takimi në Delhi me homologun indian Subrahmanyam Jaishankar, ku u diskutua për thellimin e bashkëpunimit ushtarak, theksoi se qëllimi i një ushtrie të tillë nuk është të zëvendësojë NATO-n, duke nënvizuar rëndësinë e aleancës transatlantike.

“Por ne duhet të tregojmë se Evropa nuk është një vend që do të lejojë të shantazhohet ushtarakisht ose ekonomikisht,” shtoi ai.

Pozicioni i Spanjës mbeti i pandryshuar edhe pas tërheqjes së Trump nga kërcënimet për Grenlandën, sipas një zyrtari të lartë të jashtëm, i cili shtoi se Spanja është “e lumtur që është hapur një rrugë dialogu brenda kornizës së NATO-s, nëse kjo rrugë konfirmohet”.

Koncepti i integrimit të forcave ushtarake kombëtare në një ushtri evropiane supranacionale ishte propozuar për herë të parë në 1951 për të kundërshtuar Bashkimin Sovjetik dhe për të siguruar që riarmatimi i Gjermanisë të mos kërcënonte fqinjët, por u rrëzua nga parlamenti francez në 1954.

“Idja e mbrojtjes evropiane ishte pjesë e origjinës së BE-së. Është detyra e brezit tim ta përfundojë këtë mision” ka theksuar Albares.