Luis Suarez e shënoi golin e dytë për Atletico Madridin kundër ish-skuadrës së tij, Barcelonës,  të shtunën në mbrëmje.

Suarez pasi e shënoi golin, bëri një gjest telefonik dhe pas ndeshjes e shpjegoi se kujt i drejtohej, edhe pse e mohoi se e kishte për ish-trajnerin Ronald Koeman.

“Ishte për njerëzit që e dinë që unë kam të njëjtin numër dhe se unë jam ende duke përdorur të njëjtin telefon”, tha ai pas ndeshjes.

“Nuk ishte për Koeman, aspak”, tha Suarez.

Suarez nuk e festoi golin e tij për shkak të respektit të tij për Barcelonën, shkruan Marca.

“Unë tashmë e dija se nëse do të shënoja nuk do të festoja golin”, tha ai.