Besnik Tahiri ka njoftuar se do të marrë pjesë në panelin e Forumit Global mbi Koalicionet për Reforma, i organizuar nga Banka Botërore.

Tahiri përmes një shkrimi në Facebook, ka thënë se do të paraqet gjetjet dhe studimet e tij empirike, konkluzionet e Konferencës Ndërkombëtare të Qeverisjes dhe përvojat nga rruga e reformave në Kosovë dhe Lindje të Mesme.

Postimi i plotë:

Sapo arrita në Washington, DC në , në vizitë zyrtare i ftuar të flas në Panelin e parë të Forumin Global mbi Koalicionet për Reforma, i organizuar nga Banka Botërore dhe një numër i institucioneve prestigjioze si Stanford University.

Prezantimi im do të jetë në Panelin e parë bashkë me dy ministra, njëri nga Argjentina dhe tjetei nga Peru, në temën: ‘Si të udhëheqësh përmes reformave komplekse’. Në këtë Forum Global do të paraqes gjetjet dhe studimet e mia empirike, pastaj konkluzionet e Konferencës Ndërkombëtare të Qeverisjes dhe përvojat nga rruga e reformave në Kosovë dhe Lindje të Mesme.

Porosia ime kryesore në këtë Samit është se bota është duke ndryshuar, edhe poashtu konceptet e menaxhimit publik duhet të ndryshohen përmes reformave të thella institucionale dhe të politikave publike në mbarë botën.

Ky Samit që po mbahet në selinë e Bankës Botërore është platformë unike që bashkon liderë globalë, vendimmarrës dhe akademikë si dhe institucione prestigjioze për të ndarë përvoja mbi ndërtimin e koalicioneve, lidershipin dhe zbatimin e reformave.