Ish-zëvendëskryeministrja e Kosovës, Edita Tahiri, i ka reaguar presidentes së Kosovës, Vjosa Osmani, e cila dje ka folur për disa kërcënime të Serbisë ndaj Kosovës.

Ajo ka thënë se Osmani në konferencën e saj për medie ka dhënë shumë versione për këto kërcënime.

Tahiri ka shkruar në “Facebook” se presidentja Osmani nuk ka treguar se kush e ndali Serbinë.

“Nje presidente, njëqind versione – tashmë s’po dihet a Trumpi, a Maqedonci a KFOR-i apo brifingjet ishin burimi i saj për kërcënimet ndaj Kosovë. As nuk po dihet kush e ndali Serbinë, presidentja, Trumpi, KFOR-i apo Maqedonci. Ky diletantizem i një presidenteje është i paparë”, ka shkruar Tahiri.