Deputeti i PDK-së, Arian Tahiri, ka kujtuar 18-vjetorin e shpalljes së Pavarësisë së Kosovës, duke theksuar rolin historik të ish-presidentit Hashim Thaçi në atë moment vendimtar.

Tahiri ka rikujtuar se nga salla e Kuvendit, 18 vjet  më parë, Thaçi shpalli Pavarësinë e Kosovës, duke e cilësuar atë si kurorëzim të sakrificës së popullit dhe amanetit të dëshmorëve.

Sipas tij, ajo ditë mbushi zemrat e qytetarëve me lot gëzimi dhe krenari, duke shënuar një kthesë të pakthyeshme në historinë e vendit. Ai theksoi se emri i Thaçit do të mbetet i lidhur me aktin më të madh shtetformues të Kosovës.

Në përfundim, Tahiri  ka shprehur mirënjohje për të gjithë ata që kontribuuan për lirinë e vendit, duke uruar: “Gëzuar Pavarësinë, Kosovë”.