Kryetari komunës së Vushtrrisë, Xhafer Tahiri, ka thënë se është për një Qeveri  LDK-LV, duke e përkrahur mundësinë e një koalicioni në mes LDK-së e LV.

“Unë jam për koalicionin me LV-në. Unë udhëheqi një koalicion në nivelin komunal në Vushtrri me Lëvizjen Vetëvendosje, pse mos të kemi një koalicion me LV-në. Ky  koalicion mund të sjell ndryshim. Nëse interesi i shtetit e kërkon të udhëhiqet me LV pse mos të ndodhë kjo, por kjo nuk është vetëm në dorën e LDK-së, por edhe nga pazaret e tjera politike që do të bëhen në skenën politike”, tha Tahiri në emisionin Debat Plus, në RTV Dukagjini me Ermal Pandurin.