Kandidati i PDK-së për kryetar të Mitrovicës, Arian Tahiri, ka thënë se minatorët janë ndërgjegjja e Mitrovicës.

“Puna e tyre është më shumë se ekonomi. Është dinjitet, sakrificë dhe amanet. Ata kalojnë më shumë kohë nën tokë sesa me familjet e tyre. Si institucione dhe si shoqëri, u kemi shumë borxh. Dhe këtë borxh duhet t’ua kthejmë me veprime të drejta dhe dinjitoze, për ta dhe familjet e tyre. Faleminderit për gjithçka që keni bërë dhe po bëni për Mitrovicën dhe Kosovën!”, ka thënë Tahiri në një takim me minatorët.