Veprimtari i çështjes kombëtare dhe ish-i burgosuri politik, Ragip Xhaka, ka shprehur mbështetjen e tij për kandidatin për deputet të PDK-së me numër 14, Xhavit Haliti, si dhe për kandidatin me numër 17, Elmi Reçica.

Ata janë takuar mëngjesin e sotëm, ku kanë kujtuar angazhimet dhe përpjekjet e dikurshme për shtetin që gëzojmë sot.

Gjatë takimit, ata vlerësuan se zgjedhjet e 7 qershorit përbëjnë një lloj referendumi për t’u dhënë fund krizave dhe për t’i siguruar vendit institucione kredibile e funksionale, në shërbim të qytetarëve.

Po ashtu, ata theksuan rëndësinë e ruajtjes dhe forcimit të marrëdhënieve me aleatët ndërkombëtarë, veçanërisht me Shtetet e Bashkuara të Amerikës.