Talibanët kanë shpallur armëpushim treditor me qeverinë afgane për nder të Fitër Bajramit. Armëpushimi fillon të dielën.

Ky armëpushim erdhi pas shtimit të sulmeve kundër trupave qeveritare në javët e fundit, shkruan “BBC”, transmeton Express.

Presidenti afgan, Ashraf Ghani, e mirëpriti njoftimin e grupit militant dhe tha se edhe ushtarët e Afganistanit do t’i respektojnë pikat e këtij armëpushimi.

Armëpushimi treditor pritet që ta shtojë shpresën për një ulje më të gjatë të dhunës në vendin e rrënuar nga lufta.

Sidoqoftë, një armëpushim i ngjashëm ishte shënuar edhe në vitin 2018, por ai nuk kishte zgjatur edhe pas festës.

Zëdhënësi i talibanëve tha se ky armëpushim është shpallur vetëm për Fitër Bajram, që shënon fundin e Ramazanit, muaj i shenjtë për myslimanët.