Analisti i emisionit sportiv “Favorit”, Taulant Dajaku ka disa fjalë për ata që e fishkëllyen Granit Xhakën në stadiumin “Fadil Vokrri”.

Ai ka thënë se ata që e kanë fishkëllyer Granit Xhakën janë mjerana.

“Ai që e fishkëllen Granit Xhakën, nuk është Dardan. Ajo ishte shëmtia më e madhe, që nuk duhej të ndodhte në stadiumin ‘Fadil Vokrri’. Rrugëtimi i Xhakës e i babait të tij janë historike për ne. Ata nuk e kanë lënë me dëshirë Kosovën. I kanë larguar. Ata mjerana që e fishkëllyen gjakun e vetë”, tha Dajaku.