Ish-krerët e Ushtrisë Çlirimtare të Kosovës (UÇK), të cilët janë duke u mbajtur në paraburgim në Gjykatën Speciale në Hagë kanë aplikuar që të votojnë në zgjedhjet lokale të 17 tetorit.

Kështu ka konfirmuar për Demokraica.com, zëdhënësi i Komisionit Qendror të Zgjedhjeve, Valmir Elezi.

“Mund t’iu konfirmoj se gjatë periudhës së aplikimit për t’u regjistruar si votues jashtë Kosovës, e cila është zhvilluar nga 10 korriku deri më 18 gusht, kemi pranuar aplikimet nga shtetasit e Republikës së Kosovës që aktualisht ndodhen në objektin e paraburgimit të Dhomave të Specializuara të Kosovës në Hagë”, tha Elezi.

Elezi tha më tej se pjesëmarrja në votim përmes postës e një votuesi nga jashtë vendit mund të dihet në një fazë të mëvonshme.