Kanë përfunduar të gjitha ndeshjet e xhiros së dhjetë në Ligën e Parë të Kosovës në futboll për Grupi A dhe Grupin B.

Në derbin e zhvilluar në Prizren, Liria nuk ka arritur të marrë më shumë se një pikë kundër Istogut (1-1). Për vendasit realizues i golit nga penalltia ishte Qëndrim Gashi, kurse për “troftat” realizoi Qëndrim Jahaj. Në ndeshjen tjetër, Onixi luajti baras me Malishevën (1-1). Në Grupin A, Malisheva dhe Onixi janë në vendin e parë dhe të dytë me nga 20 pikë të grumbulluara.

Në Grupin B, Vitia ndau pikët me Ulpianën (0-0), kurse Kika pësoi humbje me rezultat 1-3 nga Ramiz Sadiku. Në këtë grup, Ulpiana është e para me 17 pikë, kurse Vitia e dyta me 16 pikë.

GRUPI A

Liria – Istogu                    1-1
Onix – Malisheva             1-1
A&N – Vushtrria              3-0
Dukagjini – Vëllaznimi   7-0
Trepça – Drenasi             1-1

GRUPI B

Flamurtari – Vllaznia     1-1
KEK-u – Ferizaj               2-0
2 Korriku  – Dardana     0-1
Vitia – Ulpiana                 0-0
Kika – Ramiz Sadiku      1-3

(Epoka e re)