Të hënën shorti i Ligës së Kampionëve, në Nyon priten përballje “ferri”

08 dhjetor 14:03

Nuk ka më të fshehta dhe ekuacione. Gjithçka është mësuar dhe ndeshjet që plotësuan listën me 16 ekipe të kualifikuara për në fazën e ardhshme të Ligës së Kampionëve.

Tani fati i tyre do të përcaktohet në shortin e ditës së hënë në Nyon të Zvicrës në orën 12:00, ku do të mësohen çiftet e fazës së 1/8-ave. Ka vetëm dy rregulla specifike të përcaktuar nga UEFA për raundin e ardhshëm të Ligës së Kampionëve.

Në çiftet që do t’i vendosin goglat mes të parave të grupeve dhe të dytave: Nuk do të përballen skuadra nga i njëjti grup dhe skuadra që përfaqësojnë të njëjtën federatë. E thënë më thjesht, Roma si e para e Grupit C nuk mund të përballet me Juventusin që është i dyti i Grupit D (sepse përfaqësojnë të dy Italinë), por as me Chelsean, sepse janë të dy përfaqësues të të njëjtit grup.

E njëjta gjë vlen edhe për Chelsean, që në këtë short nuk do të përballet dot me Manchesteret, por as me Tottenhamin dhe Liverpoolin. Kundërshtarët e bluve të Londrës janë 3: PSG, Barcelona ose Beshiktash. Por shorti kurrsesi nuk mund t’i ndalojë duelet e hekurta që mund të luhen në fazën e ardhshme të Ligës së Kampionëve. Skuadra si Bayerni, Chelsea, Juventusi dhe Reali i Madridit, që janë favoritët kryesorë për ta fituar Ligën e Kampionëve, ndodhen në vazon e dytë.

Futbolli anglez po kalon një moment shumë të mirë dhe këtë e konfirmon prania e skuadrave në fazën e 1/8-ave. Pesë ekipet që përfaqësojnë Premierë Ligën do të marrin pjesë në raundin e ardhshëm dhe nuk do të përballen me njëra-tjetrën. Kjo do të thotë se mund të bëjnë rrugë të gjatë.

Fjalët Kyçe:

Lajme të sponsorizuara

Të fundit
Në sezonin vjeshtor Vala Superliga pritet të pasurohet edhe me…