Një person ka shtënë me armë zjarri në drejtim të një personi tjetër sot rreth orës 15:00 në rrugën “Dëshmorët e Kombit”, në Deçan.

Lajmin për Telegrafin e ka konfirmuar zëdhënësi i Policisë së Kosovës për rajonin e Pejës, Fadil Gashi.

Sipas tij, nuk ka persona të lënduar ndërsa dihet identiteti i të dyshuarit i cili është arratisur nga vendi i ngjarjes.

“Sot rreth orës 15:00 në rrugën ‘Dëshmorët e Kombit’ është raportuar për të shtëna me armë. Me me të arritur njësiti policor ka kuptuar që një person ka shtënë në drejtim të një personi tjetër. Nuk ka të lënduar, ndërsa dihet identiteti i të dyshuarit i cili është arratisur nga vendi i ngjarjes…”, ka thënë Gashi.