Trajneri i Bayer Leverkusenit, Erik ten Hag, mund të jetë drejt shkarkimit pas vetëm dy javësh të Bundesligës. Sado e pakuptueshme që mund të duket kjo, lajmi aktualisht po raportohet nga mediumet më të besueshme të futbollit në Gjermani.

Korrespondenti i Kicker për Leverkusen, Stephan van Nocks, një nga burimet më të afërta dhe më të besueshme pranë klubit, raporton se drejtuesit e “Werkself” dëshirojnë t’i japin fund herët një eksperimenti që ata e konsiderojnë të dështuar.

Asnjë nga drejtuesit e B04 nuk po e mbështet trajnerin holandez pas turpërimit të djeshëm kundër Werder Bremenit. Deklaratat e Ten Hag pas ndeshjes, të cilat dukeshin qartë se fajësonin drejtuesit e klubit për mënyrën e menaxhimit të situatës me lojtarët, mund të jenë arsyeja pse bordi drejtues nuk dëshiron më të punojë me të.

Vendimi përfundimtar lidhur më të ardhmen e trajnerit holandez te Leverkuseni pritet të merret pas të hënës.