Thaçi: Mantelbardhët janë heronjtë e betejës kundër pandemisë

06 gusht 11:28

Presidenti i Kosovës, Hashim Thaçi i ka përkujtuar mjekët që kanë humbur jetën nga Covid-19 në Kosovë.

Në profilin e tij në “Facebook”, ai ka shkruar se mantelbardhët janë heronjtë e betejës kundër pandemisë.

“Ishin gjithnjë në shërbim të qytetarëve, duke u kujdesur për lehtësimin e dhimbjeve dhe shërimin e tyre. Por, në përballje me Covid-19, humbën jetën. Mantelbardhët janë heronjtë e betejës kundër pandemisë. Kujtimi për Fadilin, Aliun, Sylejmanin, Lulzimin, Kujtimin dhe për çdo qytetar që humbi jetën në këtë betejë do të jetë i përjetshëm”, ka shkruar Thaçi.

(M.K/ Epoka e re)

 

Lajme të sponsorizuara

Të fundit
Presidenti i Kosovës, Hashim Thaçi i ka përkujtuar mjekët që…