Turqia ka konfirmuar 12 vdekje të reja nga koronavirusi i ri (COVID 19), duke e çuar numrin e përgjithshëm të vdekjeve në 21. Në llogarinë e vet në “Twitter”, ministri turk i Shëndetësisë, Fahrettin Koca, shkroi se të vdekurit nga koronavirusi janë të moshuar.

Koca njoftoi se në 24 orët e fundit janë kryer 2 953 teste te personat që dyshohet se janë infektuar me koronavirus dhe se 277 prej tyre kanë dalë pozitivë. Me këto, shtoi ai, numri i përgjithshëm i të infektuar në vend rritet në 947.

“Le t’i paralajmërojmë njerëzit tanë të moshuar. Ata duhet t’i respektojnë kufizimet e largimit nga shtëpia”, shkroi Koca.

Koronavirusi, i cili për herë të parë u shfaq në Wuhan të Kinës në dhjetorin e kaluar, është përhapur në të paktën 167 vende dhe rajone në mbarë botën.

Organizata Botërore e Shëndetësisë (OBSH), e cila etiketoi shpërthimin pandemi, fillimisht epiqendër e shpalli Kinën, por aktualisht epiqendër e koronavirusit është shpallur Evropa.

Me mbi 297 mijë raste të konfirmuara në mbarë globin, numri i vdekjeve nga koronavirusi ka tejkaluar shifrën 12.500.