Një person dyshohet të jetë therur me thikë në rrugën “Xhorxh Bush” në Prishtinë.

Lajmin e ka konfirmuar zëdhënësi i policisë për rajonin e Prishtinës, Enis Pllana, i cili tha se ngjarja ka ndodhur rreth orës 20:30.

“Viktima dyshohet të jetë lënduar nga një mjet i mprehtë dhe i njëjti është dërguar për trajtimin e nevojshëm mjekësor”, tha Pllana për Klankosova.tv.

Tutje, ai u shpreh se po vijon puna hetimore për sqarimin e plotë të rrethanave që e karakterizojnë ngjarjen.