Kushërira 20-vjeçare e Princit William dhe Harry-t është gjetur e vdekur, shkruajnë mediat e huaja. Viktima është Rosie Roche dhe pranë saj është gjetur një armë zjarri.

E reja është gjetur nga nëna dhe motra e saj, pasi kishte qenë duke bërë gati valixhet për pushime me miqtë. 20-vjeçarja, e cila ishte mbesa e xhaxhait të Princeshës Diana, vdiq në shtëpinë e familjes së saj më 14 korrik, në Norton, Wiltshire.

“The Sun” shkruan policia e ‘ka konsideruar vdekjen si jo të dyshimtë dhe nuk kishte përfshirje të palës së tretë’.

Rosie ishte studente në vitin e parë për Letërsi Angleze në Universitetin e Durhamit dhe ishte shumë e dashur për energjinë, krijimtarinë dhe pasionin për librat. Familja dhe miqtë e saj janë shprehur të shkatërruar nga humbja.

Ndërkohë “Yorkshore Post” shkruante:

“Roche, Rosie Jeanne Burke, vdiq të hënën, më 14 korrik 2025. Vajza e dashur e Hugh dhe Pippa, motra e mrekullueshme e Archie dhe Agatha, mbesa e Derek dhe Rae Long. Funerali do të jetë privat. Një shërbim përkujtimor do të mbahet në një datë të mëvonshme”.

20-vjeçarja ishte pasardhëse e Baronëve Fermoy dhe fëmija më i madh i Hugh Burke Roche, 53 vjeç dhe Phillipa Kate Victoria Long.

Gjyshi i saj ishte Baroni i 5-të Fermoy, xhaxhai i Princeshës Diana, i cili qëlloi veten për vdekje në vitin 1984.