Gianluigi Donnarumma po përjeton sezonin më të mirë të karrierës së tij, duke qenë protagonist absolut në tripletën e fituar me Paris Saint-Germain dhe me një finale të Botërorit të Klubeve që e pret për t’u luajtur.

Paraqitjet e tij mbresëlënëse dhe pritjet vendimtare kanë qenë thelbësore për sukseset e klubit francez, duke tërhequr vëmendjen e disa prej klubeve më të mëdha evropiane.

Sipas asaj që raporton gazeta prestigjioze franceze L’Équipe, tre skuadra nga Premier League, Manchester City, Manchester United dhe Chelsea janë të interesuara për të siguruar shërbimet e portierit italian.

Edhe pse Donnarumma ka kontratë me PSG-në deri në vitin 2026, një transferim nuk përjashtohet, veçanërisht pas përfundimit të sezonit të ardhshëm.

Aktualisht, prioriteti i 26-vjeçarit është rinovimi i kontratës me klubin parizien. Megjithatë, pas katër sezoneve të suksesshme në Francë, nuk përjashtohet mundësia që Donnarumma të kërkojë sfida të reja në një kampionat tjetër elitar.