Presidenti amerikan Donald Trump njoftoi në Truth Social se ka zhvilluar një telefonatë me homologun rus Vladimir Putinin që zgjati një orë e 15 minuta.

Ai tha se dyshja diskutoi sulmin e Ukrainës ndaj bazave të shumta ajrore thellë brenda Rusisë gjatë fundjavës dhe zbuloi se Putin tha se do të duhet t’i përgjigjet sulmit.

Trump e quajti telefonatën një “bisedë të mirë”, por pretendoi se nuk ishte një bisedë që do të çonte në paqe të menjëhershme.