Presidenti amerikan Donald Trump dhe liderët botërorë, përfshirë edhe presidenten Vjosa Osmani, sapo i kanë nënshkruar dokumentet e Bordit të Paqes në Davos.

“Urime president Trump, statuti tani është në fuqi të plotë, dhe Bord i Paqes është tani një organizatë ndërkombëtare zyrtare”, tha zëdhënësja e Shtëpisë së Bardhë, Karoline Leavitt, gjatë ceremonisë së nënshkrimit.

Ky bord është pjesë e planit të Trumpit për të rindërtuar Gazën.

Presidentja e Kosovës, Vjosa Osmani është në mesin e nënshkruesve, pasi Kosova ka pranuar të jetë pjesë e Bordit.

Ceremonia po zhvillohet në Davos të Zvicës, ku po mbahet Forumi Ekonomik Botëror.