Në bisedën telefonike të së premtes në mëngjes, pak para orës 7, ABC News e pyeti për njoftimet se më vonë gjatë ditës kishte një thirrje të planifikuar me Muskun.

“Mendoni për njeriun që ka humbur mendjen?”, tha Trump, duke shtuar se nuk ishte “veçanërisht” i interesuar për të biseduar me të tani.

Ai tha se Musk dëshiron të flasë me të, por ai nuk është i gatshëm për një bisedë me Muskun.

“As që po mendoj për Elonin. Ai ka probleme. Fatkeqësisht ka probleme”, tha Trump në një bisedë të ndarë për CNN.

Në një bisedë të shkurtër telefonike, Trump foli për raportin e ardhshëm mbi punësimin, inflacionin dhe çmimet e benzinës.

Në pyetjen nëse kishte biseduar me Musk, ai u përgjigj se “jo. Nuk do të flas me të për një kohë, mendoj, por i uroj gjithë të mirat”.

Pas këtij përshkallëzimi, Musk tregoi shenja të tërheqjes. Shenja e parë që Musku ndoshta po tërhiqej erdhi përmes një postimi nga një llogari me rreth 140 ndjekës në X, që sugjeronte të “freskoheshin” dhe të “hiqej një hap pas”.

Ky postim bëri që Musk të tërhiqte kërcënimin për çaktivizimin e anijes kozmike që përdoret për transportin e astronautëve dhe furnizimeve për Stacionin Ndërkombëtar të Hapësirës, kërcënim që Musk e kishte bërë vetëm disa orë më parë.

Musk më pas shkroi se pajtohej me një postim të menaxherit të fondit hedge Bill Ackman, i cili tha se Trump dhe Musk duhet të “bëjnë paqe për të mirën e vendit tonë të madh”.